Главная** PLEASE DESCRIBE THIS IMAGE ** Регистрация ** PLEASE DESCRIBE THIS IMAGE ** Вход

:: Сделать Стартовой Избранной :: Суббота, 28 Ноября 2020, 01:41

Меню сайта
  • Наша Орша

Мини чат


Опросы
На что вы готовы, чтобы пережить трудные времена?
Всего ответов: 2323

Герои сайта

Познавательно
Главная » 2010 » Май » 21 » Школа вышэйшага спартыўнага майстэрства ў Андрэеўшчыне

Школа вышэйшага спартыўнага майстэрства ў Андрэеўшчыне

У школу вышэйшага спартыўнага майстэрства, што ў Андрэеўшчыне, можа прыйсці кожны падлетак. Тут не патрабуюць здачы экзаменаў ці якіх-небудзь тэстаў, неабходна толькі жаданне самога хлопчыка ці дзяўчынкі займацца веласпортам. Як правіла, ездзіць на веласіпедзе здольны любы, бо кожнаму малышу яшчэ з дзетсадаўскага ўзросту бацькі абавязкова набываюць трохколавага "сябрука”.

З цягам часу яго змяняе больш "наварочаны” веласіпед, што дае магчымасць падлетку значна палепшыць сваю фізічную форму. А вось у Андрэеўшчынскай школе вам, рабяты, вопытныя трэнеры дапамогуць прафесійна ўдасканаліць набытыя навыкі, развіць такія якасці характару, як вынослівасць і настойлівасць, цярплівасць і імкненне да перамогі. Менавіта пра гэта мне і расказалі ўдзельнікі веласіпеднага клуба "Віцебск-Дынама”, што працуе на базе школы вышэйшага спартыўнага майстэрства, выхаванцы знакамітага на Аршаншчыне і на Беларусі трэнера па веласпорту з 34-гадовым вопытам работы Любові Сямёнаўны Нямковай.

Я сустрэлася з юнымі веласіпедыстамі пад час іх трэніроўкі і, як гаворыцца, з першых вуснаў даведалася пра тое, якую ролю ў жыцці рабят выконвае гэты від спорту. Самымі смелымі ў размове з журналістам аказаліся Марына Супрунова і Арцём Сянькоў. Моўны партрэт спартсмена-веласіпедыста ахвотна дапаўнялі іх таварышы. Трэба адзначыць, што вынік атрымаўся вельмі неблагі. Напрыклад, шасцікласніца Марына займаецца ў клубе 8 месяцаў. Заняткі веласпортам дапамаглі ёй упарадкаваць свой дзень. І хаця зараз вольнага часу стала менш, затое паспявае дзяўчынка зрабіць многае. Палепшыліся і адзнакі ў школе. Дарэчы, усе рабяты добра паспяваюць у школе. Шасцікласнік Арцём, пляменнік вядомай веласіпедысткі, бронзавай прызёркі чэмпіянату свету 2010 года Таццяны Шараковай, займаецца ў клубе сем гадоў. Безумоўна, хлопчык марыць стаць прафесійным велагоншчыкам. Нягле-дзячы на юны ўзрост, рабятам ужо даводзілася адчуць асалоду перамогі. Вучань 8 класа ДАСШ № 26 Павел Ліцкевіч год таму назад пабываў на самай высокай прыступцы п’едэсталу, а 16-гадовая выхаванка Андрэеўскай школы- інтэрната Марына Шаўчэнка мае ў сваім актыве 5 медалёў. Гэтая, знешне вельмі сціплая дзяўчынка, ужо кандыдат у майстры спорту. Па словах трэнера, яна мае ўсе задаткі, каб стаць зоркай першай велічыні беларускага веласіпеднага спорту, такой, як і былыя выхаванцы Любові Сямёнаўны – Аляксандр Кучынскі (сын трэнера) і Таццяна Шаракова. Апрача Марыны, тут нямала і іншых здольных рабят: Стас Бажкоў, Вольга Галіева, Алеся Кавалёва. Стас выканаў нарматыў майстра спорту міжнароднага класа, быў пятым на кубку міру ў Галандыі…

Працягваючы расповяд пра заняткі ў клубе, рабяты закранулі адну немалаважкую дэталь. Клуб рэдка хто пакідае па прычыне несклаўшыхся адносін паміж трэнерам і выхаванцам. Улад Курбатаў перад тым, як трапіць у школу вышэйшага майстэрства, спрабаваў сябе ў розных відах спорту і толькі тут вырашыў застацца назусім. Зразумела, не апошнюю ролю ў выбары хлопчыка выканала і трэнер. Любоў Сямёнаўна для рабят – бездакорны аўтарытэт. Яна патрабавальная, у меру строгая, вельмі перажывае за кожнае няўдалае выступленне. Шмат увагі надае так называемаму разбору памылак, дапушчаных пры выступленнях на спаборніцтвах. Рабяты адзначылі, што ў іх калектыве, а тут займаецца больш за 30 падлеткаў рознага ўзросту, пануе вельмі спрыяльны мікраклімат. Ніхто з іх не курыць, не ўжывае семкі і чыпсы, хаця сярод удзельнікаў клуба нямала падлеткаў са складанымі лёсамі. Яны разумеюць, што такія свавольствы дрэнна ўплываюць на работу лёгкіх, а гэта адзін з галоўных "рабочых” органаў веласіпедыста. Займаюцца выхаванцы штодзень па 3-4 гадзіны, з неабходнай хуткасцю ў 30-40 км. Каб на рознага ўзроўню спаборніцтвах, якія прахо-дзяць даволі часта, атрымаць добрыя вынікі, у адзіночнай гонцы неабходна праехаць 10 км за 13 хвілін. Гэта гарантуе першае месца, дзеля якога трэба шмат трэніравацца.

Як адзначыла Любоў Сямёнаўна Нямкова, трэнеры цесна супрацоўнічаюць з адміністрацыямі ДАСШ № 26 і Андрэеўскай школай-інтэрнатам. Дырэктар школы-інтэрната Кацярына Анатольеўна Шатовіч і намеснік дырэктара ДАСШ № 26 Аксана Ула-дзіміраўна Байцова робяць усё неабходнае дзеля таго, каб рабяты былі занятыя ў вольны ад вучобы час карысным захапленнем. У дадзеным выпадку – веласпортам.

Уласны сын зорнага трэнера – ужо даўно прафесійны спартсмен. Больш за дзе-сяць гадоў Аляксандр Кучынскі працуе на лепшых трэках Еўропы, удзельнічае ў сусветных спаборніцтвах. Але, як і Таццяна Шаракова, ён часты госць у роднай школе, дзе трэні-руюцца яшчэ нікому не вядомыя юныя веласіпедысты. Аляксандр і Таццяна ахвотна даюць парады і слушныя заўвагі, а яшчэ знакамітыя землякі ў гэтых сценах – звычайная моладзь. Гледзячы на тое, як яны гарэзуюць з падлеткамі, не скажаш, што ім апладзіраваў сусвет.

Любоў Сямёнаўна Нямкова адносіцца з павагай да кожнага са сваіх выхаванцаў. Па яе меркаванні, не важна, будзе з яго вялікі спартсмен ці не. Галоўнае, даць адчуць падлетку, што ён асоба, навучыць паважаць самога сябе, і тады ён, хоць аднойчы, але абавязкова стане ў жыцці пераможцам.

Вы ищете работу? Быть может вам подойдёт работа в Крыму? Все имеющиеся вакансии вы сможете просмотреть на сайте rabota.ua.

Л. Гатоўская
Категория: Спорт |
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Форма входа
Логин:
Пароль:





Пользователи

Всего: 127685
Новых за месяц: 0
Новых за неделю: 0
Новых вчера: 0
Новых сегодня: 0



Категории
Бизнес
Бомонд
Здоровье, экология
Даты
Дожинки-2008
Культура
Новости этого сайта
Образование
Общество
Оршанский район
Пресс-служба горрайотдела МЧС по г. Орша
Пресс-служба оршанского ГОВД
Пресс-служба ИМНС РБ по г. Орша
Проиcшествия, криминал
Связь
Слухи
Спорт
Транспорт


Сегодня с нами
Сегодня с нами были:



Новые объявления




Случайное фото



При использовании материалов сайта указание авторов и ссылка на источник материала обязательна! Мнение администратора сайта может не совпадать с мнением авторов статей. За объявления несут ответственность рекламодатели. © 2006-2020
Яндекс.Метрика